As Comarcas da Galiza – O Ferrado com Borxa Neira

As comarcas da Galiza: história e origem. O mapa de Nós-UP, as comarcas irredentas e muito mais. O Ferrado conversa com Borxa Neira.

Preme aquí para ver a conversa «AS COMARCAS DA GALIZA»

A desorganizaçom do território galego é umha realidade perfeitamente apreciável no País. Se bem os lugares, as paróquias e as comarcas som um ator geopolítico imprescindível para compreender as origens e o desenvolvimento da Naçom, na atualidade, fruto de decisons erróneas e alheias ao sentir popular, apresentam irregularidades tam transcendentes como prejudiciais para o povo galego.

Nesta nova entrevista, O Ferrado trata esta temática com Borxa Neira. Galego emigrado desde há muitos anos na Catalunha, Borxa passou boa parte da sua vida investigando a construçom territorial da Galiza, abrindo um novo caminho interpretativo sobre o impacto das comarcas na populaçom galega e oferecendo alternativas realistas para umha maior coerência e coesom do território nacional.

Todo isto fica recolhido na sua obra “Mover os marcos. A (des)organizaçom do território galego” (2023, Através Editora), cuja leitura, por descontado, recomendamos enormemente.

Durante a conversa tratamos temas como a história e a origem das comarcas. As alternativas que resultaram por nom triunfar, a opiniom do autor sobre o mapa comarcal de Nós-UP, a situaçom das comarcas da Galiza estremeira e muito mais.

E vós, que pensades? Movemos os marcos?

Preme aquí para ler o artigo do Borxa no Ferrado.

Cóntao ao mundo
Esta web utiliza cookies propias para o seu correcto funcionamento. Ao facer clic no botón aceptar, acepta o uso destas tecnoloxías e o procesamento dos teus datos para estes propósitos.   
Privacidad